ద్వాదశ ఆదిత్య ధ్యాన శ్లోకం
1. ధాతా –
ధాతా కృతస్థలీ హేతిర్వాసుకీ రథకృన్మునే ।
పులస్త్యస్తుంబురురితి మధుమాసం నయంత్యమీ ॥
ధాతా శుభస్య మే దాతా భూయో భూయోఽపి భూయసః ।
రశ్మిజాలసమాశ్లిష్టః తమస్తోమవినాశనః ॥
2. అర్యమ –
అర్యమా పులహోఽథౌజాః ప్రహేతి పుంజికస్థలీ ।
నారదః కచ్ఛనీరశ్చ నయంత్యేతే స్మ మాధవమ్ ॥
మేరుశృంగాంతరచరః కమలాకరబాంధవః ।
అర్యమా తు సదా భూత్యై భూయస్యై ప్రణతస్య మే ॥
3. మిత్రః –
మిత్రోఽత్రిః పౌరుషేయోఽథ తక్షకో మేనకా హహః ।
రథస్వన ఇతి హ్యేతే శుక్రమాసం నయంత్యమీ ॥
నిశానివారణపటుః ఉదయాద్రికృతాశ్రయః ।
మిత్రోఽస్తు మమ మోదాయ తమస్తోమవినాశనః ॥
4. వరుణః –
వసిష్ఠో హ్యరుణో రంభా సహజన్యస్తథా హుహుః ।
శుక్రశ్చిత్రస్వనశ్చైవ శుచిమాసం నయంత్యమీ ॥
సూర్యస్యందనమారూఢ అర్చిర్మాలీ ప్రతాపవాన్ ।
కాలభూతః కామరూపో హ్యరుణః సేవ్యతే మయా ॥
5. ఇంద్రః –
ఇంద్రో విశ్వావసుః శ్రోతా ఏలాపత్రస్తథాఽంగిరాః ।
ప్రమ్లోచా రాక్షసోవర్యో నభోమాసం నయంత్యమీ ॥
సహస్రరశ్మిసంవీతం ఇంద్రం వరదమాశ్రయే ।
శిరసా ప్రణమామ్యద్య శ్రేయో వృద్ధిప్రదాయకమ్ ॥
6. వివస్వాన్ –
వివస్వానుగ్రసేనశ్చ వ్యాఘ్ర ఆసారణో భృగుః ।
అనుమ్లోచాః శంఖపాలో నభస్యాఖ్యం నయంత్యమీ ॥
జగన్నిర్మాణకర్తారం సర్వదిగ్వ్యాప్తతేజసమ్ ।
నభోగ్రహమహాదీపం వివస్వంతం నమామ్యహమ్ ॥
7. త్వష్టా –
త్వష్టా ఋచీకతనయః కంబళాఖ్యస్తిలోత్తమా ।
బ్రహ్మాపేతోఽథ శతజిత్ ధృతరాష్ట్ర ఇషంభరా ॥
త్వష్టా శుభాయ మే భూయాత్ శిష్టావళినిషేవితః ।
నానాశిల్పకరో నానాధాతురూపః ప్రభాకరః ।
8. విష్ణుః –
విష్ణురశ్వతరో రంభా సూర్యవర్చాశ్చ సత్యజిత్ ।
విశ్వామిత్రో మఖాపేత ఊర్జమాసం నయంత్యమీ ॥
భానుమండలమధ్యస్థం వేదత్రయనిషేవితమ్ ।
గాయత్రీప్రతిపాద్యం తం విష్ణుం భక్త్యా నమామ్యహమ్ ॥
9. అంశుమన్ –
అథాంశుః కశ్యపస్తార్‍క్ష్య ఋతసేనస్తథోర్వశీ ।
విద్యుచ్ఛత్రుర్మహాశంఖః సహోమాసం నయంత్యమీ ॥
సదా విద్రావణరతో జగన్మంగళదీపకః ।
మునీంద్రనివహస్తుత్యో భూతిదోఽంశుర్భవేన్మమ ॥
10. భగః –
భగః స్ఫూర్జోఽరిష్టనేమిః ఊర్ణ ఆయుశ్చ పంచమః ।
కర్కోటకః పూర్వచిత్తిః పౌషమాసం నయంత్యమీ ॥
తిథి మాస ఋతూనాం చ వత్సరాఽయనయోరపి ।
ఘటికానాం చ యః కర్తా భగో భాగ్యప్రదోఽస్తు మే ॥
11. పూష –
పూషా ధనంజయో వాతః సుషేణః సురుచిస్తథా ।
ఘృతాచీ గౌతమశ్చేతి తపోమాసం నయంత్యమీ ।
పూషా తోషాయ మే భూయాత్ సర్వపాపాఽపనోదనాత్ ।
సహస్రకరసంవీతః సమస్తాశాంతరాంతరః ॥
12. పర్జన్యః –
క్రతుర్వార్చా భరద్వాజః పర్జన్యః సేనజిత్ తథా ।
విశ్వశ్చైరావతశ్చైవ తపస్యాఖ్యం నయంత్యమీ ॥
ప్రపంచం ప్రతపన్ భూయో వృష్టిభిర్మాదయన్ పునః ।
జగదానందజనకః పర్జన్యః పూజ్యతే మయా ॥
ధ్యాయేస్సదా సవితృమండలమధ్యవర్తీ
నారాయణస్సరసిజాసన సన్నివిష్టః।
కేయూరవాన్ మకరకుండలవాన్ కిరీటీ
హారీ హిరణ్మయవపుః ధృతశంఖచక్రః ॥
tags: dwadasa aditya dhyana sloka benefits, dwadasa aditya dhyana sloka lyrics in telugu, dwadasa aditya dhyana sloka in telugu with meaning, dwadasa aditya dhyana sloka in telugu by spb mp3 free download, dwadasa aditya dhyana sloka in telugu pdf, dwadasa aditya dhyana sloka in telugu with meaning pdf, dwadasa aditya dhyana sloka in telugu mp3 free download, dwadasa aditya dhyana sloka lyrics telugu, dwadasa aditya dhyana sloka meaning in telugu, nitya pooja vidhanam in telugu , daily pooja vidhi at home , daily chanting mantras , bhakthimargam, bhaktimargam, bhakti margam,Bhakthi Margam, bhakthimargam.in,
Comments
Post a Comment